‘कोशेढुंगा’को फस्र्ट लुक सार्वजनिक

काठमाडौँ । चलचित्र ‘कोशेढुंगा’को फस्र्ट लुक्स पोस्टर सार्वजनिक भएको छ । फस्र्ट लुक सार्वजनिक गर्दै निर्माण टिमले ‘कोशेढुंगा’को १२ भदौमा रिलिज हुने घोषणा पनि गरेको छ । सार्वजनिक फस्र्ट लुक पोस्टरमा चलचित्रकी मुख्य अभिनेत्री सुरक्षा पन्तको अभिनय छ ।

चलचित्रको कथावस्तुबारे निर्माण पक्षले अहिलेसम्म केही जानकारी दिएको छैन । सरोज पौडेलले निर्देशन गरेको चलचित्रमा सुरक्षा पन्त, आर्यन सिग्देल, नीति शाह, प्रवीण खतिवडा, ऋचा शर्मा, सरोज खनाल, विशाल पहाडी, लोकमणि सापकोटा, हिउँवाला गौतम, दिनेश काफ्ले, शेखर चापागाईं, सिरु विष्ट, उद्धव सापकोटा, सविता रेग्मी, सविन कट्टेल, विकास खनाललगायतको अभिनय छ ।

नरदेवी फिल्मसको प्रस्तुति रहेको चलचित्रमा प्रेविल कँडेल र किशोर अनुराग निर्माता छन् । कार्यकारी निर्मातामा दिनेश खड्का रहेका छन् । बाबु श्रेष्ठको डिओपी रहेको चलचित्रमा नहकुल खड्काको सम्पादन र आशिष अविरल र रिदम कँडेलको संगीत छ ।