नेपाल आइपुगे ब्राजिलका पूर्वविश्व फुटबलका आइकन रोबर्टो कार्लोस

काठमाडौं । फिफा विश्वकप विजेता, ब्राजिलका पूर्वडिफेन्डर तथा विश्व फुटबलका आइकन रोबर्टो कार्लोस नेपाल आएका छन् । उनी नेपाल सुपर लिग (एनएसएल) सिजन ३ को क्वालिफायर २ हेर्न विशेष अतिथिको रूपमा नेपाल आइपुगेका हुन् ।

दशरथ रंगशालामा आयोजना हुने खेलमा उपस्थित भई उनले नेपाली फुटबलमा अन्तर्राष्ट्रिय चमक थपेका छन् । उनीसहितको ब्राजिलियन टोलीले सन् २००२ मा विश्वकपको उपाधि जितेको थियो ।

रियल म्याड्रिड र ब्राजिलियन राष्ट्रिय टोलीका पूर्वखेलाडी समेत रहिसकेका कार्लोस फुटबल इतिहासका सबैभन्दा प्रशंसित डिफेन्डरमध्ये एक हुन् ।

फिफा विश्वकप र चार ला लिगा उपाधिहरूसहित दुई दशकभन्दा लामो व्यावसायिक फुटबल खेलका उनले विश्वभरका लाखौँ फुटबलप्रेमीहरूलाई प्रेरित गरेका छन् । उनी एक गाला डिनर, एक विशेष भेटघाट र अन्तर्क्रिया कार्यक्रममा सहभागी हुनेछन् ।

उनको परिस्थितिबाट एनएसएल मञ्चमा जोस र उत्साह छाउने अपेक्षा गरिएको छ । एनएसएल आयोजकले रोबर्टो कार्लोसलाई त्रिभुवन अन्तरराष्ट्रिय विमानस्थलमा स्वागत गरेको थियो ।

कार्लोसले नेपाल आउँदा खुशी लागेको उल्लेख गर्दै नेपालमा रहेका ब्राजिलियन फुटबल समर्थकलाई धन्यवादसमेत दिए । उनी नेपाल सुपर लिग आयोजकको निमन्त्रणामा नेपाल आएका हुन् ।