एनएसएल तेस्रो संस्करणको उपाधि ललितपुरलाई

काठमाडाैँ । तेस्रो संस्करणको नेपाल सुपर लिग (एनएसएल) को उपाधि ललितपुर एफसीले जितेको छ । दशरथ रंगशालामा भएको खेलमा ललितपुरले पोखरालाई २-१ गोलले हराएको हो ।

दशरथ रंशगालामा भएको खेलमा लिगको अपराजित ललितपुरले पहिलो हाफमा एक गोलको अग्रता लिएको थियो । दोस्रो हाफमा पोखराले एक गोल फर्काए पनि खेलको ७४ औँ मिनेटमा दोस्रो गोल गर्दै ललितपुरले जित सुनिश्चित गर्‍यो ।

ललितपुरका लागि खेलको ४२औँ मिनेटमा इमोह इजेकेलले गोल गर्दै पहिलो अग्रता दिलाएका थिए । खेलको ६३औँ मिनेटमा पोखराका सुदील राईले गोल गर्दै टोलीलाई बराबरी गोल फर्काएका थिए । खेलको ७४औँ मिनेटमा पापा इबोउ केबेले गोल गर्दै ललितपुरलाई उपाधि दिलाए ।

दाेस्राेपटक विजेता बनेकाे ललितपुरले ८० लाख रुपैयाँ नगद पुरस्कार पाउनेछ । उपविजेता पाेखराले भने ३० लाख रुपैयाँ पाउनेछ ।

तस्बिर: नेपाल फोटो लाइब्रेरी

प्रतिक्रिया