शिक्षा विधेयक यथाशीघ्र पारित गर्न माओवादीको माग

काठमाडौं । नेपाल कम्युनिष्ट पार्टी (माओवादी केन्द्र) ले विद्यालय शिक्षा विधेयक यथाशीघ्र पारित गरेर शिक्षकका जायज माग पूरा गर्न सरकारको ध्यानाकर्षण गराएको छ ।

पार्टी मुख्यालय पेरिसडाँडामा आज आयोजित पत्रकार सम्मेलनमा उपाध्यक्ष एवं प्रवक्ता अग्निप्रसाद सापकोटाले आसन्न संसद् अधिवेशनको प्रारम्भमा शिक्षा ऐन पारित गरेर आन्दोलनरत शिक्षकलाई विद्यालयमा फर्काउने वातावरण बनाउन माग गरे ।

माओवादीले लघुवित्त पीडित, सहकारी पीडित, कर्मचारी, चिकित्सकलगायत आन्दोलनरत पक्षसँग तत्काल वार्ता गरी जायज माग पूरा गर्न सरकारको ध्यानाकर्षण गराएको छ । वर्तमान सरकारको ध्यान सुशासन, भ्रष्टाचार नियन्त्रण र जनभावना सम्बोधन गर्नेतर्फ लक्षित गर्न माओवादीले सरकारसँग आग्रह गरेको छ ।

देशभरका शिक्षकहरु गत चैत २० गतेदेखि शिक्षा ऐनलगायत विभिन्न माग गर्दै काठमाडौंमा आन्दोलनरत छन् । नेपाल शिक्षक महासंघले यो आन्दोलनको नेतृत्व गरेको छ । शिक्षकहरुको यो आन्दोलनले देशभरका सामुदायीक विद्यालयहरु बन्द छन् भने विद्याथीहरु भर्ना भएर ढिाइको खोजीमा छन् ।